«Navbahor» – U-18 nazorat o'yinida g'alaba qozondi

Bugun “Navbahor - Umid” futbol maktabi maydonida tajribali murabbiy Aleksandr Lyan boshqaruvidagi “Navbahor – U-18” jamoasi Namangan viloyat akademiyasining murabbiy Muslim Saitboev boshchiligidagi 2001 yilda tug'ilgan futbolchilardan iborat jamoasiga qarshi nazorat-sinov bahsi o'tkazdi.

Mazkur o'rtoqlik o'yinida U-18 jamoamiz yirik – 4:1 hisobida g'alaba qozondi. Aleksandr Lyan shogirdlaridan gollarga Rasul Qayumbaev (2 ta), Azizbek Zokirjonov va Husan Ahmadxonov mualliflik qilishdi.