Ispan grandi Brozovichni La Ligaga olib kelmoqchi

«Inter» yarimhimoyachisi Martselo Brozovich jamoada qolishga va yangi shartnoma imzolashga qaror qilganiga qaramay, «Atletiko» vakillari xorvatni Italiyani tark etishga ko'ndirmoqchi.

Madridda o'yinchini murabbiy Diego Simeone ilgari surgan falsafaga juda mos keladi deb ishonishadi. Shuning uchun, kelasi yozda Brozovichni tekinga qo'lga kiritish, klub rahbarlari uchun nihoyatda muvaffaqiyatli bitim bo'lishi mumkin, deb xabar beradi Mundo Deportivo

Xorvatiyalik yarimhimoyachi klubdan ketgan Saul Nigesga o'rinbosar bo'lishi kerak, deb hisoblashadi. Joriy mavsumda Brozovich «Inter» safida 11 ta o'yinda maydonga tushib, 1 ta golli uzatmani amalga oshirgan.