«Yuventus» «Real» futbolchisini sotib olishga harakat qiladi

«Yuventus» «Real» yarim himoyachisi Marko Asensioni sotib olmoqchi. Bu haqda Italiya matbuoti xabar bermoqda. Transfer kelasi yozda amalga oshishi mumkin.

Futbolchining «qaymoqranglilar» bilan shartnomasi 2023 yilning iyunida yakuniga etadi, shu bois «Real» Asensioni 2022 yilning yozida sotishga harakat qiladi. Transfermarkt ispaniyalik futbolchini 35 million evroga baholamoqda.

Joriy mavsumda Asensio 8 o'yin o'tkazib, 3 ta gol urdi va bitta golli uzatmani amalga oshirdi.