Ronaldu terma jamoadagi faoliyatini yakunlashi mumkinmi? Futbolchi javob berdi

36 yoshli Portugaliya terma jamoasi va "Manchester Yunayted" klubi hujumchisi Krishtianu Ronaldu terma jamoadagi faoliyatini yakunlash haqidagi savolga javob berdi.

"Klubimga ko'prok e'tibor qaratish uchun terma faoliyatimini yakunlaymanmi? Yo'q, nega bu haqida o'ylashim kerak? Menimcha, buning hali vaqti kelmadi.

Bu masalada odamlar nimani xohlashi muhim emas, men xohlagan narsa muhim. Qachonki yugura olmay, darvozaga zarba berishga kuchim etmay qolsagina bu haqida o'ylab ko'raman.. Lekin bu ishlarning hammasini hozirda bajara olaman. Shuning uchun davom etmoqchiman, menda hali ham motivatsiya etarli.

Motivatsiya - eng muhimi. Atrofdagilarga, oilamga, muxlislarimga va o'zimga ijobiy his-tuyg'ularni berib, o'z ishimni bajarishim kerak. Men shunchaki o'sishni xohlayman.

Menga futbol o'ynash yoqadi va men davom etaman", - dedi Ronaldu "Sky Sports" nashriga bergan intervyusida.