«Manchester Siti» Belgiya klubi futbolchisiga qiziqish bildirmoqda

Belgiyaning «Bryugge» klubi iqtidorli vingeri Sharl de Katelare faoliyatini Angliya Premer-ligasida davom ettirishi mumkin. Goal.com nashri xabariga ko'ra, «Manchester Siti» 20 yoshli futbolchining xizmatlariga qiziqish bildirmoqda.

Trasfermarkt portali xabariga ko'ra, futbolchining qiymati 25 million evroni tashkil qiladi. De Katelarening «Bryugge» bilan amaldagi shartnomasi 2024 yilning o'rtalariga qadar tuzilgan.

Sharl joriy mavsumda 15 ta o'yinda qatnashdi va 4 ta gol va 3 ta golli uzatmani amalga oshirdi.