«Manchester Siti»ning yangi nishoni kim?

Myunxengladbaxning «Borussiya» klubining etakchi futbolchilaridan biri Denis Zakariya faoliyatini Angliya Premer-ligasida davom ettirishi mumkin. Goal.com nashri xabariga ko'ra, «Manchester Siti» 24 yoshli shveytsariyalik yarimhimoyachini sotib olmoqchi.

«Shaharliklar» rahbariyati Denisni joriy mavsum oxirida jamoani tark etadigan braziliyalik Fernandinoga muqobil sifatida ko'radi.

Zakariyaning Gladbax klubi bilan shartnomasi joriy mavsum oxirigacha amal qiladi.

Joriy Germaniya Bundesligasida yarimhimoyachi oltita o'yinda qatnashdi, ikkita gol va bitta golli uzatmani amalga oshirdi.