«Manchester Yunayted» futbolchisi «Ayaks»ga qaytmoqchi emas

«Manchester Yunayted» yarimhimoyachisi Donni van de Bek «Ayaks»ga qaytmoqchi emas, deb xabar beradi jurnalist Fabritsio Romano.

Manbaning xabariga ko'ra, 24 yoshli gollandiyalik ingliz klubini tark etishga yaqin, lekin u sobiq jamoasiga o'tish niyatida emas.

Van de Bek 2020 yil sentyabr oyida «Ayaks»dan «Manchester Yunayted»ga 39 million evro evaziga o'tgandi. 2021/22 yilgi mavsumda yarimhimoyachi «qizil iblislar»ning 3 uchrashuvida qatnashdi, 141 daqiqa maydonda o'tkazdi va samarali harakatlari bilan ajralib turmadi. Transfermarkt.com portali futbolchining qiymatini 25 million evroga baholamoqda.