“Qo'qon-1912” – “Lokomotiv”: O'zaro o'yinlar tarixi

O'zbekiston chempionati 23-tur doirasidan o'rin olgan  “Qo'qon-1912”  - “Lokomotiv”  uchrashuvi  23 oktyabr kuni Qo'qon shahrida bo'lib o'tadi. Mazkur bahs oldidan ushbu jamoalarning o'zaro o'yinlardagi statistik ma'lumotlari bilan tanishtirib o'tamiz.

O'zaro o'yinlar
Ushbu jamoalar shu paytga qadar chempionat doirasida 13 marta to'qnash kelishgan.
“Lokomotiv” o'yinlarning 6 tasida zafar quchgan, 5 ta bahsda durang qayd etilgan. Ikkita uchrashuvda qo'qonliklarning qo'li baland kelgan.
To'plar nisbati – 22-12, “Loko” foydasiga. O'zaro o'yinlarda “Temiryo'lchilar” 23 ochkoni qo'lga kiritishgan. “Qo'qon-1912” ochkosi 11 tani tashkil etadi.

Jamoalarning so'nggi oltita uchrashuvida qayd etilgan natijalar:
20.06. 2021. Lokomotiv – Qo'qon-1912 - 0:1
25.11.2020. Qo'qon-1912 – Lokomotiv - 0:1
21.08.2020. Lokomotiv – Qo'qon-1912 - 1:2
20.09.2019. Qo'qon-1912 – Lokomotiv - 1:1
02.05.2019. Lokomotiv – Qo'qon-1912 - 2:2
09.07.2018. Qo'qon-1912 – Lokomotiv - 1:2
07.04.2018. Lokomotiv – Qo'qon-1912 - 1:1

Qo'qondagi “Markaziy” stadionida bo'lib o'tadigan “Qo'qon-1912” – “Lokomotiv” bahsini Zokir Qodirov boshchiligidagi hakamlar guruhi boshqarib borishadi. Navoiylik hakam joriy mavsumda qo'qonliklar ishtirokidagi ikkita o'yinni boshqarib borgan. E'tiborlisi har ikkala o'yin ham Yaypandagi “O'zbekiston” stadionida bo'lib o'tgan va har ikki o'yinda ham bir xil, 2-1 hisobi qayd etilgan. Zokir Qodirov boshqargan superliganing 1-tur uchrashuvida "Qo'qon-1912"  “Turon” jamoasini 2-1 hisobida enggan bo'lsa, “Nasaf”ga qarshi 11-tur o'yinida xuddi shunday hisobda imkoniyatni boy bergan.

Coca-Cola Superliga.
23-tur
23 oktyabr

QO'QON-1912 – LOKOMOTIV
Hakamlar: Zokirjon Qodirov, Husniddin Shodmonov, Timur Galeev, Xushnud Suyunboev
Nazoratchi: Ravil Shayaxmitov
Komissar: Sardor Qudratullaev

Boshlanish vaqti: "Qo'qon-1912" - “Lokomotiv” - uchrashuvi, 23 oktyabr kuni Qo'qon shahridagi “Markaziy” stadionida soat 15:15 da start oladi.