Mourino: "Roma"da atigi 13 futbolchi bor. Qolganlar boshqa saviyada"

"Roma" bosh murabbiyi Joze Mourino Konferentsiyalar ligasida Norvegiyaning "Budyo/Glimt" klubidan uchralgan shov-shuvli mag'lubiyat (1:6) uchun javobgarlikni o'z zimmasiga oldi, biroq Rim jamoasini tarkibidan shikoyat qildi.

"Men ushbu tarkib bilan o'ynashga qaror qildim, shuning uchun mas'uliyat mening bo'ynimda. Sovuq havoda, suniy maydonda jamoada astoydil mehnat qilayotganlarga imkoniyat berish uchun yaxshi niyat qilgandim. Ko'plab futbolchilarga dam berishga qaror qildim. Biz yaxshiroq o'yin ko'rsatgan jamoaga yutqazdik. Bu juda oddiy.

Agar doim bir xil tarkibda o'ynay olganimizda, shunday qilgan bo'lardim. Bu xavfli, chunki bizda o'yinchilarning o'rtasida katta sifat farqi bor. Men bu klubning imkoniyatlarini bilardim, bu men uchun yangilik emas edi, lekin baribir jamoamdan eng yaxshi o'yinni kutgandim. Aytganimdek, bu tarkib bilan o'ynash mening tanlovim, demak, bu mening aybim.

Imkoniyatlarimiz cheklanganligini hech qachon yashirmaganman. Bizda 13 nafar futbolchi bor, qolganlari boshqa darajada. Nega doim bir xil o'yinchilardan foydalanishimni mendan hech kim so'ramaydi. Sababini esa yuqorida aytib o'tdim. Asosiy jamoamiz yaxshi o'yin ko'rsatmoqda, joriy mavsumda ular ko'proq ochko to'plashdi va to'g'ri mentalitetni shakllantirishmoqda", - dedi Mourino o'yindan so'ng.