Anchelotti "Barsa"ga qarshi o'yin oldidan safga qaytganlar to'g'risida gapirdi

Madridning “Real” klubi bosh murabbiyi Karlo Anchelotti Ispaniya chempionatining 10-turidan o'rin olgan “Barselona”ga qarshi o'yindan oldin fikrlari bilan o'rtoqlashdi.

"Jamoa uchrashuvga a'lo darajada tayyorgarlik ko'rmoqda, Azar va Karvaxal safga qaytishdi. “Shaxtyor” bilan o'yindan so'ng bir oz muammolarga duch keldik, ammo biz ularni hal qilishga harakat qilyapmiz. "Barselona"ga qarshi o'yinlar har doim qiyin kechgan, lekin bu ular uchun ham shunday bo'ladi.

Benzema? Karim hozir klubdagi oldingi faoliyatimdan ko'ra ko'proq shaxsiyatga ega bo'lgan etakchi va men uning bu qobiliyatini yaxshi ko'raman. Men uni yanada etukroq va muhimroq futbolchi sifatida ko'rayapman”, - dedi Anchelotti "Movistar" nashriga bergan intervyusida.

Eslatib o'tamiz, "el-klasiko" 24 oktyabr kuni Toshkent vaqti bilan 19:15 da start oladi.