Milner "Atletiko"ga qarshi o'yindan so'ng o'z fikrlarini bildirdi

"Liverpul" yarim himoyachisi Jeyms Milner Chempionlar ligasi guruh bosqichi 3-turidan o'rin olgan uchrashuvda "Atletiko"ni mag'lub etganidan keyin (3:2) jamoasining o'yinini yuqori baholadi.

"Ochig'i, hali ustida ishlashimiz kerak bo'lgan narsalar bor, to'qqiz ochko etarli emas, guruhda birinchi o'rinni egallash - asosiy maqsadimiz. Biroq, hozir yaxshi holatdamiz. Bizda qiyin guruh bor, agar biz maksimal darajada harakat qilmasak, hammasi qanday yakunlanishi mumkinligini ko'rdik. "Atletiko"ga qarshi o'yinning birinchi bo'limida dastavval gol urib, so'ng tezda ikkita gol o'tkazib yubordik. Biz formamizni saqlab qolishimiz kerak, oldinda juda ko'p jiddiy o'yinlar bor. Bu uchrashuvlarda ham g'alaba qozonishga harakat qilamiz", - deya Milnerning so'zlaridan iqtibos keltiradi «Liverpul» rasmiy sayti.

Eslatib o'tamiz, Chempionlar ligasi B guruhida "Liverpul" 3 o'yinda 9 ochko jamg'arib guruhda peshqadamlik qilmoqda.