"Real Madrid" bu poygadan chiqish arafasida

Erling Xoland uchun asosiy da'vogar klublar nomi aytildi.

Ispaniyaning "AS" nashri tarqatgan ma'lumotlarga ko'ra, "Borussiya Dortmund" jamoasi hujumchisi Erling Xoland uchun Evropaning bir qator grand klublari kurash olib bormoqda. Futbolchining agenti bir nechta klublar bilan shartnoma shartlarini gaplashib ko'rdi va yakunda "Bavariya", "Manchester Siti" va "PSJ"ning takliflari uni qiziqtirib qoldi. Madridning "Real" esa uni tarkibga qo'shib olish imkoniyati pasayib ketganidan so'ng, e'tiborini boshqa hujumchiga qaratmoqchi.

Eslatib o'tamiz, norvegiyalik futbolchining tovon puli mavsum yakunida 75 million evroga tushadi. Uni sotib olishdagi asosiy muammo, maosh va agenti Rayola uchun to'lanadigan kompensatsiya summasi bo'lib turibdi.