"Barselona" asosiy himoyachisi jarohat oldi. U "el-klasiko"ni o'tkazib yuborishi mumkin

Jarohatning qay darajada jiddiy ekanligi aniq emas.

Ispaniyaning "Sport" nashri xabariga ko'ra, kataloniyaliklarning chap qanot himoyachisi Xordi Alba Chempionlar ligasi 3-turidan o'rin olgan "Dinamo Kiev"ga qarshi o'yinni jarohat bilan yakunlagan. Ma'lumotlarga ko'ra, futbolchi o'ng oyoq to'piq qismida og'riq sezmoqda. Jarohatning qay darajada jiddiy ekanligi qo'shimcha tekshiruvlardan so'ng aniq bo'ladi.

Eslatib o'tamiz, 32 yoshli ispaniyalik bu mavsum jamoa bilan La Ligada 4 o'yin o'tkazdi va 1 golga assistentlikni amalga oshirdi.

Manba: Sport