«Atletiko» «Arsenal» futbolchisini sotib olishga tayyor

«Arsenal» yarimhimoyachisi Tomas Parti 2 yil oldin jamoaga kelgan edi, lekin futbolchi jamoada o'z o'rnini topa olmadi. Todofichajes nashrining so'zlariga ko'ra, Madridning «Atletiko» klubi vaziyatdan foydalanib, ganalik futbolchini ortga qaytarmoqchi.

«Kanonirlar» Tomas bilan xayrlashishga qarshi emaslar, chunki klub bosh murabbiyi Mikel Arteta uning o'rnini bosadigan futbolchi topgan. «Arsenal» «Brayton»dan Iv Bissumni sotib olmoqchi.

London klubi maliyalik yarimhimoyachini yanvarda sotib olishni maqsad qilgan, aks holda yozda unga ko'proq raqobatchilar paydo bo'ladi.

«Brayton» o'z futbolchisini 40 million evroga baholamoqda.