Souchek plastik operatsiya qilindi

Londonning «Vest Xem» klubi futbolchisi Tomash Souchek plastik jarrohlik amaliyotidan o'tdi. Tomash «Everton»ga qarshi o'tinda jarohat olgan edi. Salomon Rondon uning yuziga butsasi tishlari bilan behosdan zarba bergandi.

Souchekning ko'z, burun va lablar yaqinida bir nechta jarohat izlari bor edi va u tibbiy yordamga murojaat qilishga majbur bo'ldi.

Operatsiya muvaffaqiyatli o'tdi, 26 yoshli chexiyalik mashg'ulotlarni qaytadan boshladi va hatto Evropa ligasida «Genk» ga qarshi o'ynashi mumkin.