«Manchester Yunayted» futbolchisi Shomurodov bilan jamoadosh bo'lishi mumkin

Rafael Varan jamoaga kelishi bilan shved himoyachisi Viktor Lindelyof qiyin ahvolda qoldirdi. Terma jamoaning asosiy o'yinchisi sifatida u mankunianliklar lagerida deyarli o'yin o'tkazmaydi.

«Manchester Yunayted» rahbariyati Lindelyofdan qutulish kerak degan qarorga keldi, deb xabar beradi Todofichajes nashri. Eslatib o'tamiz, himoyachi yiliga 8 million evro oladi. Bu esa Manchester klubi uchun og'irlik qilmoqda.

Vaziyatni «Roma» bosh murabbiyi Joze Mourino kuzatib turibdi, u futbolchini sotib olishga qarshi emas. 27 yoshli shved 24 million evroga baholanmoqda.