OFK kubogi finaliga chiqqan «Nasaf» qancha daromad topdi?

"Nasaf" OFK kubogi yarim final bosqichida Gonkongning "Li Man" klubini mag'lub etib, musobaqa finaliga yo'l oldi.

Qarshiliklar finalda Bahraynning "Muharraq" klubi bilan to'qnash kelishadi. Uchrashuv 5 noyabr kuni Manama shahrida bo'lib o'tadi.

Ro'ziqul Berdiev shogirdlari mazkur o'yinda g'alaba qozonib, sovrinni qo'lga kiritishsa, 1,5 million dollar miqdorida mukofot puliga ega bo'lishadi. Jamoa mag'lubiyatga uchrasa, o'z g'aznasini 750.000 dollarga boyitadi.

"Nasaf" rahbariyati OFK kubogidagi g'oliblik uchun murabbiylar va futbolchilarga mukofot pulini va'da qildi.