«Reshford» Sulsherdan norozi, Olening esa rejasi boshqa

«Manchester Yunayted» bosh murabbiyi Ole-Gunnar Sulsher Markus Reshford hali 90 daqiqa maydonga tushishga tayyor emasligini tan oldi, biroq u Chempionlar ligasida «Atalanta»ga qarshi o'ynashi mumkinligini ta'kidladi.

Angliyalik futbolchi bu mavsumda ilk bor shanba kuni «Lester»ga qarshi o'yinda maydonga tushgandi va darvozani ishg'ol qildi. "Atalanta" bilan uchrashuv oldidan Sulsherdan Reshford bu o'yinni boshlaydimi, deb so'rashganida murabbiy bunga o'z javobini berdi.

«Bu Markus uchun katta bonus bo'ldi», deydi Sulsher uning «Lester»ga urgan goli haqida. "Reshford o'z ustida juda qattiq ishladi va tezroq maydonga qaytishga harakat qildi. Buning uchun uning qanchalik mehnat qilayotganini ko'rib turibman.

Maydondagi harakatlariga qaraganda u har doim biz bilan mashg'ulot o'tkazganga o'xshaydi.
Markus ehtimol, 90 daqiqa maydonga tushishga tayyor emasdek go'yo. Kecha ba'zilar uchun hali to'liq imkoniyatlarini ishga sololmagandek tuyulishi mumkin. Chunki u uzoq vaqt davomida tarkibda yo'q edi. Ammo u kuchli, yangi energiyaga to'la va baquvvat formada ko'rinmoqda. Qaysidir bosqichida u maydonga qaytishiga ishonaman».

«King Power» stadionidagi mag'lubiyatdan so'ng taktikaning o'zgarishi mumkinligi haqidagi savollarga javob berarkan, Sulsher muxlislarni maydonga qaysi futbolchi kirmasin, jamoani qo'llab-quvvatlashga chaqirdi.

«Agar yutqazsangiz, unda nimadir noto'g'ri ketgan bo'ladi», - deya qo'shimcha qiladi u. "Muammo tarkibda yoki jarohatlarda bo'lishi mumkin. Bizda yaxshi o'yinchilar ko'p va rotatsiya juda muhim ahamiyat kasb etadi".

Har bir o'yindan oldin bizda katta kuch bo'lishi kerak, shuning uchun o'yinga yondashuvda ba'zi o'zgarishlar bo'lishi mumkin. Biz o'z muxlislarimiz oldida o'z uyimizda o'ynaymiz, bundan ortiqcha super mahorat ko'rsatish qiyin. O'z darajamizda o'ynamoqdamiz. "MYu" muxlislari dunyoning eng yaxshi muxlislari va men bilamanki, ular bu qiyin davrda jamoani qo'llab-quvvatlashda davom etishadi. «Old Trafford» dan chiqib, uch ochkoni qo'lga kiritish uchun yaxshiroq joy yo'q. Bu haqiqiy orzular teatri", - deya ta'kidlaydi norvegiyalik mutaxassis.

Ko'rib turganingizdek, Sulsherning ushbu gaplari «Manchester Yunayted»ning ba'zi futbolchilarida norozilik ovozlarini keltirib chiqardi. Ular Olening bir xil tarkibdan foydalanishidan zerikishgan va ko'plab o'yinchilar zaxirada qolib ketishidan xavotirda. Bu haqda The Athletic nashri ham o'zining bir-ikki sahifasida ma'lum qilgandi.

Bu haqda Reshford nima deydi?

Uning tan olishicha, Markus oxirgi 2 yil ichida o'z darajasidan past o'ynagan. Bunga asosiy sabab esa katta ehtimol Sulsherning munosabati. «Aytishim mumkinki, ehtimol oxirgi ikki yilda men o'zim qila oladigan darajadan ancha past o'ynadim», — deydi Markus Reshford «Manchester Yunayted» rasmiy saytiga bergan intervyusida.

«Bunga asosiy aybdorni o'zim demagan bo'lardim. Men yomon o'ynadim deb ayta olmayman, hamma narsa yaxshi formada. Lekin men klubga ko'proq narsani berishim mumkinligini bilaman. Faoliyatimdagi birinchi bosqich «Manchester Yunayted»da bo'ldi. Ammo bu davr ko'ngildagidek o'tmadi. Bundanda kuchliroq harakat qila olaman va haqiqatan ham men orzuyimga mos o'yinchi bo'lishga tayyorman».

Uch oylik tanaffusdan so'ng, 23 yoshli futbolchi o'zining birinchi o'yinida gol urdi, garchi uning goli «Manchester Yunayted»ning «Lester» ga qarshi o'yinda ochko to'plashiga yordam bera olmagan bo'lsada, Reshfordning iqtidoriga hech kim shubha qilmaydi.