Manba. Bruno Fernandesh "MYu"dan ketish niyatida bo'lgan

"Manchester Yunayted" klubi futbolchisi Bruno Fernandesh Superliga mashmashasi tufayli jamoadan ketish payida bo'lgan. "The Athletic" nashri xabariga ko'ra, portugaliyalik "MYu"ning ushbu musobaqaga qo'shilishiga keskin norozilik bildirgan va bu sodir bo'lsa, klubdan ketishini rahbariyatga ochiq aytgan.

Uning jamoadoshi Lyuk Shou ham xuddi shunday istakni bildirgan. Ular birlashib Ed Vudvardga o'z niyatlarini aytgan futbolchilar qatorida bo'lishgan. Fernandesh "MYu"ga Portugaliyaning "Sporting" klubidan kelib qo'shilgan edi.