Kulibali: «Bu sababli naq ikki kecha uxlay olmadim»

«Napoli» himoyachisi Kalidu Kulibali A Seriyaning «Fiorentina»ga qarshi o'yini davomida irqchilik bilan bog'liq vaziyat unga qanday ta'sir qilgani haqida to'xtaldi.

«Men buyuk jamoadoshlarim va murabbiylar shtabi tufayli bu daqiqalarni engishga muvaffaq bo'ldim.

Shu sababli naq ikki kecha uxlay olmadim va xato qildimmi deb o'yladim. Menga Florentsiyadan qo'ng'iroq qilishdi. Boshida nima bo'layotganini tushunish uchun o'sha odam bilan uchrashsam yaxshi bo'lardi.

Men irqchilikka qarshi kurashda davom etaman. Biz to'g'ri yo'nalishda harakat qilyapmiz», - deydi Kulibali.