Venger ayni paytdagi dunyoning eng yaxshi futbolchisi kimligini aytdi

Londonning «Arsenal» klubi sobiq bosh murabbiyi Arsen Venger Muhammad Saloh haqida gapirdi. Vengerning fikricha, Saloh ayni paytda dunyoning eng yaxshi hujumchisi hisoblanadi.

«Saloh - yuqori darajadagi futbolchi. U shubhasiz, ayni paytda dunyoning eng yaxshi hujumchisi. Muhammad hech kim urmaydigan gollarni uradi. Salah jarima maydonida futbolchilar atrofida aylanib yuradi va buni g'ayrioddiy tarzda bajaradi. Uning o'yini xuddi ko'cha futboliga o'xshaydi. Salah doimiy ravishda hujumga qo'shiladi. U juda aqlli va futbol intellekti nima ekanligini yaxshi biladi», - deydi Arsen.