"Lids" futbolchisi ikkita APL giganti tomonidan nishonga olingan

"Liverpul" klubi "Lids" futbolchisi Kalvin Filips uchun kurashda "MYu" bilan bellashadi. "Todo Fichajes" nashri ma'lum qilishicha, 25 yoshli yarim himoyachi uchun har ikki gigant birdek qiziqishlarga ega.

Negaki, har ikki klubda maydon markazi bilan bog'liq muammolar mavjud. "MYu" Deklan Raysni qo'lga kirita olmagach, "Oqlar" futbolchisini istamoqda.

Filipsning "Ellan Rod"dagi bitimi 2024 yilgacha tuzilgan bo'lib, hali uzaytirish harakatlari boshlanmagan. Xabarda "Lids" o'z vakili uchun 60 million evro so'rashi ta'kidlangan.