Lukaku 8 tilda so'zlasha oladi

UEFA «Chelsi» jamoasi a'zolari gapiradigan barcha tillar ro'yxatini e'lon qildi.

Bu ko'rsatkich bo'yicha Romelu Lukaku jamoadagi peshqadam hisoblanadi. 28 yoshli hujumchi sakkizta tilni biladi. Lukaku ona tillari frantsuz va flamanddan tashqari ingliz, italyan, golland, portugal, ispan va nemis tillarini ham biladi.

Keyingi eng ko'p til biluvchi- Mateo Kovachich, u beshta tilda- xorvat, ingliz, ispan, nemis va italyan tillarida so'zlashadi.

Shu bilan birga, «Chelsi» ingliz futbolchilaridan hech biri chet tilida gapira olmasligi qayd etilgan.