Ibrahimovich «Portu»ga qarshi o'yinni «Milan» uchun joriy chempionlar ligasidagi eng yomon o'yin deb atadi

«Milan» hujumchisi Zlatan Ibrahimovich Chempionlar ligasi guruh bosqichining 3-turida «Portu» ga 0:1 hisobidagi mag'lubiyat haqida fikr bildirdi.

«Bu bizning uch turdagi eng yomon uchrashuvimiz edi. Biz bunday muvaffaqiyatsizliklardan saboq olib, kuchliroq bo'lishimiz kerak. Biz o'z kuchimizga ishonishimiz kerak, chunki oldinda hali uchta o'yin bor», - deya Ibrahimovichning so'zlarini keltiradi UEFA rasmiy sayti.

«Milan» «B» guruhida oxirgi o'rinni egallab turibdi, jamoa uchta o'yinda birorta ham ochko olmagan. «Portu» 3 o'yinda 4 ochko bilan uchinchi o'rinda bormoqda.