Gvardiola: "Kompani «Bryugge» haqida menga ko'proq ma'lumot berdi" (matbuot anjumani)

"Manchester Siti" bosh murabbiyi Pep Gvardiola Chempionlar Ligasi guruh bosqichi 3-turidan o'rin olgan «Bryugge»ga qarshi g'alabadan (5:1) keyin o'z fikrlarini bildirib o'tdi.

"Biz juda ham yaxshi o'yin ko'rsatdik. Bu Evropa Chempionlar Ligasida ko'rsatgan eng yaxshi o'yinlarimizdan biri bo'ldi. «Bryugge»ning imkoniyatlarini past baholamoqchi emasman. Ularni juda yaxshi bilaman. Vinsen Kompani bilan suhbatlashdim va u menga bir qancha ma'lumotlarni taqdim etdi. U «Bryugge»ni menga nisbatan yaxshiroq biladi.

U oxirgi 30 daqiqalikda xushyor bo'lishimiz kerakligini aytib o'tdi. Ularning tezkor markaziy himoyachisi bor, ayniqsa chap tomonda harakat qiluvchi. Ko'plab jihatlarda haqiqatan ham a'lo darajada o'yin ko'rsatdik, shuning uchun ham ular o'z imkoniyatlarini namoyish eta olishmadi. Ularning salohiyatini juda ham soz darajada bilaman. Xalqaro tanaffus vaqtida «Bryugge»ning o'yinlarini kuzatdim PSJga qarshi qanday o'ynashganini ham bilaman. Manchesterga safar qilishlariga bir necha hafta qoldi, xolos va ishonchim komilki, ular vaziyatni o'nglash uchun harakat qilishadi.

O'yin bugungi kabi bir xil bo'lmaydi, bunga aminman. Ularning o'z g'ururi bor, o'yinni qayta ko'rib chiqishadi va qaerda yaxshiroq qilish mumkinligi haqida xulosalar chiqarishadi. Barcha ochkolarni olishimiz uchun imkon qadar yaxshi tayyorgarlik ko'ramiz".

Juda ham ko'p pozitivlar kela boshlagan kechada Fil Foden yana o'zining eng yaxshi texnik sifatlarini va maydonnni ko'ra olish qobiliyatini namoyish etdi. Bundan xursand bo'lgan Gvardiola futbol intellekti va ishtiyoqi birlashganidan faxrlanadigan o'yin bo'lganini aytib o'tdi.

"Yaxshi o'yin ko'rsatdik, bosim qilishimiz ham joyida bo'ldi. To'pni tezda o'zimizga qaytarib oldik va to'p bilan ko'p muomalada bo'ldik. Fil ko'plab uzatmalarni amalga oshirdi. Raqibni ko'proq yugurtirdik. Yanada ko'proq gol urishimiz mumkin edi, ko'plab imkoniyatlarga ega bo'lgan edik. Bugungi ko'rsatgan o'yinimizdan barchamiz xursandmiz", — dedi ispaniyalik mutaxassis.

Gvardiola o'yinda gol kiritgan Koul Palmer haqida ham gapirdi.

"Uning tayyorgarlik maydonida o'tkazayotgan vaqtlariga qarang. Koul doim u erda va mashg'ulot o'tkazadi. Bir qancha futbolchilar shunchakki borishadi va dangasalik qilgan holda o'ynashni istashmaydi.

U mutlaqo buning aksi. U bordi va yana uchta gol urdi. Bu dunyoda odamlar barcha narsa tezda sodir bo'lishini istashadi. Hammasi uchun vaqt kerak. Agar oshxonada ko'proq vaqt o'tkazmasangiz, yaxshi taom pishira olmaysiz", — dedi Gvardiola.