OChL. Masharipov asosiy tarkibda tushgan o'yinda «An-Nassr» «Al-Hilol»ga engilib, final yo'llanmasidan quruq qoldi (videosharh)

Osiyo Chempionlar Ligasining 1/2 finalida «An-Nassr» 19 oktyabr, seshanba kuni «Al-Hilol» bilan bahs yuritdi.

Uchrashuvda hisob 17-daqiqada ochildi. Mussa Marega «Ah-Hilol»ning tezkor hujumini golga aylantirdi. Birinchi bo'lim yakunlanishi arafasida «An-Nassr» bir kishi kam bo'lib qoldi, Ali Alavjami qo'pollik uchun maydondan chetlatildi.

Ikkinchi 45 daqiqalik avvalida Taliska boshi bilan gol urib, muvozanatni tiklashga muvaffaq bo'lgandi. Biroq 75-daqiqaga kelib, Salim ad-Dovsariy «Al-Hilol»ga g'alaba keltirgan golga mualliflik qildi.

«An-Nassr» sharafini himoya qiladigan o'zbekistonlik yarim himoyachi Jaloliddin Masharipov uchrashuvda 79-daqiqa harakat qildi.

Shu tariqa, «An-Nassr» Osiyo Chempionlar Ligasining bitta o'yindan iborat bo'lgan yarim final bahsida «Al-Hilol»ga engildi. «Al-Hilol» final o'yinida «Ulsan Xyonde» va Pohang Stilers» juftligi g'olibi bilan to'qnash keladi.

OChL, 1/2 final bahsi
19 oktyabr, seshanba
«An-Nassr» — «Al-Hilol»
Gollar: 0:1 — 17 Marega, 1:1 — 50 Taliska, 1:2 — 75 Dovsariy.