Iguain karerasini yakunlashi mumkin

Kuzning boshida «Inter Mayami»ning argentinalik hujumchisi Gonsalo Iguain futbolchilik faoliyatini vaqtincha to'xtatdi. Futbolchining o'zi bu qarorni futbol va boshqa narsalar haqida xotirjam o'ylashni xohlagani bilan izohlagan.

Biroq, Britaniyaning The Sun nashri «Real», «Napoli» va «Yuventus» klublarining sobiq futbolchisi endilikda butsani mixga ilish niyatida ekanligini xabar qilmoqda. Manbaga ko'ra, Iguain formasini tiklashda qiynalmoqda.

O'tgan mavsumda argentinalik jamoasi safida 35 o'yinda 11 ta gol urishga muvaffaq bo'lgan.