FIFA Jahon chempionatini har ikki yilda o'tkazishga rozilik bildirgan

FIFA milliy federatsiyalarga jahon chempionatini har ikki yilda bir marta o'tkazish niyatini bildirgan, deb xabar beradi Cadena SER nashri.

O'zgarishlar 2026 yilgi Jahon chempionatidan keyin qabul qilinishi taklif qilinmoqda. Bundan tashqari, FIFA xabarida terma jamoalar uchun yangi taqvimning afzalliklari haqida aytilgan. Unga ko'ra, futbolchilar yiliga 50 emas, 30 kunni terma jamoalari tarkibida o'tkazadilar.

19 oktabr kuni FIFA rahbari Janni Infantino, bundan oldin har ikki yilda bir marta jahon chempionatini o'tkazishni yoqlab, bu g'oyaning asosiy afzalliklari nimada ekanligini aytdi. Uning so'zlariga ko'ra, 2026 yildan boshlab Jahon chempionati ishtirokchilari sonini 48taga etkazish masalasi allaqachon hal qilingan bo'lib, Jahon chempionatini har ikki yilda o'tkazish masalasi haligacha muhokama qilinmoqda.