Bartameo: "Men buni tan olaman"

"Barselona" sobiq prezidenti Xosep Mariya Bartomeo "Liverpul"dan braziliyalik hujumkor yarim himoyachi Filippe Koutino va Dortmundning "Borussiya"sidan sotib olingan Usmon Dembelelarning transferlari kutilganidek bo'lmaganini tan oldi.

"Dembele va Koutinoning transferlari? Futbolchilar biz kutgan o'yinni namoyish qila olishmadi va ularga ketgan katta transfer summalari deyarli o'zini oqlamadi. Futbolda bunday holatlar ro'y berib turadi. Ikki futbolchi bilan shartnoma imzolanganimizda, hamma bizni olqishladi. Endi esa...

Inesta ketayotgani uchun Koutino olib kelishga majbur bo'ldik. U o'sha vaqtda Angliya chempionatining eng yaxshi futbolchisi edi. Dembeleni esa Neymarning o'rnini to'ldirish maqsadida sotib olgandik. Ammo futbolchilar ishonchni oqlamadi",- deya so'zlarini yakunlandi Bartomeo.