Tuxel APLda qaysi jamoalar barqaror o'yin ko'rsatishini aytdi

"Chelsi" bosh murabbiyi Tomas Tuxel joriy mavsumda APL g'olibligi uchun "Liverpul" va "Manchester Siti"ga qarshi kurash haqida gapirdi.

"Liverpul" va "Manchester Siti" - sifat va barqarorlik namunasi. Yillar davomida ular bizga chempion bo'lish uchun nimalar qilish kerakligini ko'rsatib berishdi. Bu yillar davomida Angliya chempionatida ikki jamoali musobaqa bo'lib o'tdi. "Chelsi" bu darajaga chiqish uchun hali o'yinining ko'p jihatlarini yaxshilashi kerak ", - deya Tuxelning so'zlaridan iqtibos keltiradi "Liverpool Echo".

Eslatib o'tamiz, Premer-liganing 8-turidan so'ng, "Chelsi" 19 ochko bilan turnir jadvalining birinchi pog'onasida bormoqda. "Liverpul" esa 18 ochko bilan ikkinchi o'rinda.