Koutino: "Hech kim meni qanday azob chekkanimni bilmaydi"

"Barselona" yarim himoyachisi Filippe Koutino Ispaniya chempionatining 9-turida "Valensiya" ustidan qozonilgan g'alaba (3:1) haqida o'z fikrlarini bildirib o'tdi.

"G'alaba jamoa uchun juda muhim edi, chunki hozircha ishlarimiz biz xohlagandek emas. Hech kim jarohatdan tuzalayotganimda qancha azob chekkanimni bilmaydi. Bu meni yanada kuchliroq qildi. Uzoq tanaffusdan so'ng kiritilgan bu gol men uchun juda muhim. Endi men har qachongidan ham ko'proq jang qilishga tayyorman. Yaqinda eng kuchli Koutinoni ko'rasiz", - dedi futbolchi "Diaro Sport" nashriga bergan intervyusida.

Eslatib o'tamiz, braziliyalik yarim himoyachi bu mavsum La Ligada 5 o'yinini o'tkazdi va ilk golini urdi.