«Chelsi» futbolchisi APLning boshqa klubiga o'tishi mumkin

«Chelsi» futbolchi Ross Barkli tez orada klub ro'yxatini o'zgartirishi mumkin. Futbolchiga asosiy da'vogar APLning boshqa jamoasi - «Byornli».

The Sun nashrining xabar berishicha, burgundiyaliklar Tomas Tuxel London klubiga o'tganidan so'ng, o'yin amaliyotini yo'qotgan «Chelsi»ning 27 yoshli markaziy yarimhimoyachisiga qiziqish bildirmoqda. Mazkur transfer yanvar oyidagi transfer oynasida amalga oshishi mumkin.

Joriy mavsumda Barkli «aristokratlar»ning barcha turnirlarda atigi uchta o'yinda qatnashdi, jami atigi 36 daqiqa o'ynadi.

Eslatib o'tamiz, 2018 yil boshida «Chelsi» «Everton»ga Barkli uchun 16,8 million evro to'lagan edi.