«Milan» va «Inter» Italiya terma jamoasi futbolchisiga xaridor

Italiya terma jamoasi va «Torino» hujumchisi Andrea Belotti klub ro'yxatini o'zgartirishi mumkin. Futbolchi allaqachon «buqalar» rahbariyatiga shartnomasini uzaytirmoqchi emasligini ma'lum qilgan. Bu haqda Tuttomercatoweb nashri xabar bermoqda.

Hujumchiga asosiy da'vogarlar - «Milan» va «Inter». Ikkala klub ham mavsum oxirida Belottini erkin agent sifatida qo'lga kiritishni rejalashtirmoqda.

27 yoshli to'purar fubolchi 2015 yil avgust oyidan buyon turinliklar jamoasida to'p suradi. Italiya chempionatining joriy mavsumida Andrea uchta uchrashuv o'tkazdi va bitta gol urdi.