«Manchester Siti» yozda kimni sotib olmoqchi ekanligini hal qildi

«Manchester Siti» «Vest Xem» va Angliya terma jamoasi yarim himoyachisi Deklan Raysga qiziqish bildirmoqda, deb xabar beradi Goal.com.

Manbaga ko'ra, «shaharliklar» yozgi transfer oynasida yarim himoyachi sotib olish variantini ko'rib chiqishmoqda. «Manchester Siti» tarkibida Rays Fernandinoning o'rnini egallashi mumkin.

Avvalroq, futbolchiga «Manchester Yunayted», «Chelsi» va «Liverpul» klublari ham qiziqish bildirayotgani haqida xabar berilgandi.

Joriy mavsumda 22 yoshli Rays «Vest Xem» safida barcha musobaqalarda 10 ta o'yinda maydonga tushib, 2 ta gol urdi va 2 ta golli uzatmani amalga oshirdi. Uning klub bilan shartnomasi 2024 yilning yozigacha amal qiladi.