"MYu" futbolchici holati yuzasidan bayonot berildi

"MYu" bosh murabbiyi Ole Gunar Sulsher jamoa futbolchisi Entoni Martsial holati haqida gapirdi. U hujumchini jarohat olganini tasdiqladi:

"U Frantsiyadagi bahslardan jarohat bilan qaytib keldi. Shu sabab hafta davomida jamoa mashg'ulotlarida ishtirok eta olmadi. Umid qilamizki, u tez orada safga qaytadi".

25 yoshli frantsuz kecha "Lester"ga qarshi mag'lubiyatli o'yinda maydonga tushirilmagandi. Uni qishda "Nyukasl"ga sotib yuborilishi aytilmoqda.

Martsial hisobida bu mavsumda 1 ta gol mavjud. U ham "Everton"ga qarshi durang o'ynalgan kechada qo'lga kiritilgandi.