«Arsenal» «Real»ga futbolchi almshishni taklif qiladi

«Arsenal» «Real»ning uelslik hujumchisi Garet Beylga qiziqish bildirmoqda, deb xabar beradi Mundo Deportivo.

Manbaning xabariga ko'ra, ingliz klubi uelslik futbolchi evaziga frantsiyalik hujumchi Aleksandr Lyakazettni taklif qilishga tayyor. Eslatib o'tamiz, har ikki futbolchining klublar bilan shartnomasi 2022 yilning yozida tugaydi.

Joriy mavsumda 32 yoshli Beyl «Real» safida 3 ta o'yinda maydonga tushib, 1 ta gol urdi. 30 yoshli Lyakazett hisobida to'rtta o'yinda ikkita gol va bitta golli uzatma mavjud.