"Borussiya" Xolandning o'rniga boshqa futbolchi olib keladi

Dortmundning "Borussiya" klubi jamoani tark etishi kutilayotgan hujumchi Erling Xolandga o'rinbosar qidirishda davom etmoqda.

Nomzodlardan biri - "Ayaks" hujumchisi Sebasten Aller.

Kot-d'Ivuarlik 27 yoshli futbolchining Niderlandiya klubi bilan shartnomasi 2025 yilning yozigacha amal qiladi. Agarda "Borussiya"ning norvegiyalik hujumchisi jamoani tark etsa, klub uchun eng ma'qul variant mana shu bo'lib turibdi. Transfermarkt portali uni 27 million evroga baholagan.

Qayd etish kerak, Aller joriy mavsum "Ayaks" safida 12ta o'yinda maydonga tushib, 11 gol va 2 golli uzatmani amalga oshirdi.