«Chelsi» Donnarummadan Mendini ustun ko'rgan

Jurnalist Fabritsio Romano tvitterdagi sahifasi orqali «Milan»ning sobiq darvozaboni Janluiji Donnarumma haqida xabar berdi. Eslatib o'tamiz, yozda italiyalik kiper «PSJ» bilan erkin agent sifatida shartnoma imzolagan edi.

Manbaga ko'ra, shu yilning iyul oyida Londonning «Chelsi» klubi Donnarumma bilan shartnoma imzolash imkoniyatiga ega bo'lgan. Biroq, klub rahbariyati Eduard Mendiga ishonch bildirishga qaror qildi. Senegallik darvozabon «ko'klar» asosiy darvozaboni sifatida ko'rilmoqda.

Eslatib o'tamiz, bundan 7 yil oldin Mendi klubsiz va futboldan ketmoqchi bo'lgan. U hatto ish bilan ta'minlash markaziga yozilgan, lekin hozirda Eduard Londonning «Chelsi» klubining asosiy darvozaboni hisoblanadi.