«Latsio» himoyachisi o'z xursandchiligi qurboniga aylandi

Shanba kuni «Latsio» Italiya chempionatida «Inter» ni 3:1 hisobida mag'lub etdi.

Final hushtagidan keyin g'alabadan xursand rimliklar himoyachisi Luis Felipe Xoakin Korreaning elkasiga sakragan holda vaziyatni nishonlaganidan xabaringiz bor.

Hammasi noodatiy yakunlandi, Korrea o'tgan yozda «Latsio»dan «Inter»ga ko'chib o'tgan. Felipe uning yaqin do'sti bo'lsa da, Korrea bunday harakatni tushunmadi va g'azablandi.

Hakam Luis Felipening harakatiga qat'iy javob berdi va «Latsio» himoyachisiga qizil kartochka ko'rsatdi. Felipe bu shunchaki hazil ekanligini tushuntirishga urindi, lekin foydasi bo'lmadi. Luis o'shanda hatto yig'lab yubordi.