"PSJ"da Chempionlar ligasi oldidan muammo paydo bo'ldi

"PSJ" darvozaboni Keylor Navas Chempionlar ligasi guruh bosqichining "Leyptsig"ga qarshi o'yinini o'tkazib yuborishi mumkin, deya xabar berdi Frantsiyaning "L'Equipe" nashri.

Ma'lumotlarga ko'ra, 34 yoshli darvozabon Kosta-Rika terma jamoasi safidagi mashg'ulotlaridan birida jarohat olgan. Shundan so'ng, posbon parijliklarning Frantsiya chempionatidagi "Anje"ga qarshi so'nggi o'yinini o'tkazib yuborgan edi (3:2).

Eslatib o'tamiz, Chempionlar ligasi 3-turidan o'rin olgan "PSJ" - "Leiptsig" uchrashuvi 19 oktyabr kuni bo'lib o'tadi.