Taymlar orasida tanaffus vaqti uzaytirilishi mumkin

Janubiy Amerika futbol assotsiatsiyalari federatsiyasi (KONMEBOL) rasmiy o'yinlarning taymlari orasidagi vaqtni uzaytirish borasida Xalqaro futbol assotsiatsilari kengashi (IFAB)ga taklif yuborgan.

KONMEBOL tanaffusni 25 daqiqa etib belgilashni taklif qilmoqda. Ushbu masala IFABning 27 oktyabr kuni bo'lib o'tadigan yig'ilishida ko'rib chiqiladi.

Ma'lumot o'rnida. 2009 yilda tanaffusni 20 daqiqaga oshirish borasida taklif tushgandi, ammo bu taklif qabul qilinmagandi.

Hozirda bo'limlar orasida tanaffus 15 daqiqani tashkil etadi.