APL. «MYu»ning safardagi mag'lubiyatsizlar o'yinlar seriyasiga yakun yasaldi

Angliya chempionatining 8-turi doirasida «Manchester Yunayted» safarda «Lester» klubi mehmoni bo'lib, mag'lubiyat alamini tortdi.

Shu tariqa, "MYu" Premer-liga doirasida safardagi mag'lubiyatsizlar o'yinlar seriyasi uzilib qoldi. Sulsher jamoasining bunday seriyasi 29ta uchrashuvga teng bo'ldi. Bu vaqt oralig'idan mankunianliklar 19ta g'alaba va 10ta durang qayd etishdi.

Bu boradagi avvalgi rekord "Arsenal"ga tegishli edi. "Kanonirlar" 2003 yilning aprel oyidan 2004 yilning sentyabr oyiga qadar APL doirasida mehmondagi 27ta bahsda yutqazmagandi.