Superliga. «Paxtakor» 14-bor O'zbekiston chempioniga aylandi!

«Paxtakor» Superliganing 22-turi doirasida o'z uyida "Qizilqum"ni mag'lub etdi — 4:2. Jadvalda 2-o'rinni egallab turgan "So'g'diyona" esa o'z maydonida "Qo'qon-1912"ni qabul qilib, g'alaba qozona olmadi — 1:1.

Natijada mavsum tugashiga 4 tur qolganida bu ikki jamoa ochkolari orasida farq 14taga etdi. Shu sababli, "Paxtakor" mavsum tugashiga 4 tur qolganida chempionlikni qo'lga kiritdi.

Nazariy jihatdan "Nasaf"da "Paxtakor"ga etib olish imkoniyati mavjud, ammo o'zaro o'yinlarda toshkentliklar ustunlikka ega. Shu bois, paxtakorchilar bugun navbatdagi chempionlikni rasmiylashtirishdi.

Jamoa o'z tarixida 14-marta O'zbekiston chempioniga aylandi. "Neftchi" va "Bunyodkor" hisobida esa 5tadan chempionlik mavjud.

Hozirga qadar 1992, 1998, 2002, 2003, 2004, 2005, 2006, 2007, 2012, 2014, 2015, 2019 va 2020 yillarda "Paxtakor" O'zbekiston chempionatida zafar quchgandi. Endi 2021 yilgi mavsum ham Superligadagi g'alaba bilan tarixga kirdi.