Peres Mbappe transferi uchun Benzemani ishga solmoqchi

«Real Madrid» rahbariyati hozirda «PSJ» futbolchisi Kilian Mbappeni sotib olishga urinishda davom etmoqda.

Goal.com portali xabariga ko'ra, «qirollik klubi»  prezidenti Florentino Peres Karim Benzemadan bu transferni osonlashtirish uchun yordam so'ragan. Nashrning ma'lum qilishicha, Karim Kilianning yakuniy qaroriga ta'sir o'tkaza oladi. Futbolchilar Frantsiya terma jamoasidagi o'yinlari davomida do'stona munosabatlarni rivojlantirishgan.

Mbappening Parij grandi bilan amaldagi shartnomasi 2022 yilning yoziga qadar tuzilgan. Klub futbolchi bilan shartnomani uzaytirish borasida muzokara o'tkazmoqchi, ammo hujumchi hali taklif qilingan shartlarga rozi emas.