Santu: «Keyn gol urishdan ko'ra ko'proq xususiyatlarga ega»

Londonning «Tottenxem» klubi bosh murabbiyi Nunu Santu hujumchi Xarri Keyn haqida fikr bildirdi.

Xabaringiz bor, Xarri Angliya Premer-ligasining oltita o'yinida umuman gol ura olmadi. «Bu normal holat. Keyn, albatta, ajoyib shaklga kira oladi.

Bu borada men xotirjamman. Keyn gol urishdan ko'ra ko'proq xususiyatlarga ega. U jamoaga ko'p narsani beradi va juda qimmatli o'yinchi. Gollar bo'yicha unda muammo bo'lmaydi», - deydi portugaliyalik mutaxassis.

Ma'lumot uchun, 17 oktyabr kuni «Tottenxem» Premer-ligada Stiv Bryusning «Nyukasl» klubi bilan o'ynaydi.