Dilshod Haydarqulov: «Bugun kuchli jamoa g'alaba qozondi»

Futzal bo'yicha Oliy liga 1-turining 6-kungi bahslari doirasida kechgan «Dinamo» hamda «Navbahor» jamoalari o'rtasidagi uchrashuv (2:1)dan so'ng mezbonlar bosh murabbiyi Dilshod Haydarqulov o'z fikrlarini bildirdi.

«Qiyin o'yin bo'ldi. Hisobda ortda qola turib, yakunda g'alabaga erishdik. Yigitlar xarakter ko'rsatishdi. Dastlabki ikki bahs biz uchun tajriba bo'ldi.

Bugun esa vaziyatlardan foydalana oldik. «Navbahor» bugun g'alaba qozonishi ham mumkin edi. 6 soniya qolganida bo'sh darvozaga gol kirita olishmadi. Bugun kuchli jamoa g'alaba qozondi», — deydi murabbiy.