Aguero: "Messi menga "Oltin to'p"ni yutish uchun nima kerakligini aytdi"

"Barselona" hujumchisi Serxio Aguero "Oltin to'p"ni yutish uchun unga nima etishmasligi haqida o'z fikrlari bilan o'rtoqlashdi.

"Menga nima etishmayotgani haqida ko'p o'yladim va bir marta Lionelga bu haqda savol berdim. Messi "Oltin to'p"ni olish uchun Chempionlar ligasida g'alaba qozonish kerakligini aytdi. Va u haq. Bu masalada unvonlar muhim ahamiyatga ega. Men ajoyib mavsumlarni o'tkazdim, ko'p gol urdim va ko'p yutdim, lekin Chempionlar ligasi finalida o'ynamadim. "Siti" bilan finalga chiqqanimizda, sog'ligimda muammolar borligi sabab afsuski o'yinda ishtirok etmagag edim ,- deya Aguero so'zlaridan iqtibos keltiradi "El Pais" nashri.

Eslatib o'tamiz, 33 yoshli hujumchi o'tgan mavsum "Manchester Siti" tarkibida 12 o'yinda maydonga tushib, 4 gol urdi va 1 golga uzatma berdi.

Manba: Sport-Express.ru