«Ayaks»da darvozabon muammosi davom etadi

Amsterdamning «Ayaks» klubi «Fenerbaxche» darvozaboni Altay Bayindirni sotib olish niyatida. Avvalroq, gollandiyaliklar «Valensiya» bilan Yasper Sillessen borasida kelisha olmagan edi.

Endi darvozabon pozitsiyasi uchun klubning asosiy transfer maqsadi aynan «Fenerbaxche» bilan 2023 yilgacha shartnoma tuzgan turk futbolchisi bo'ladi.

Turkiya jamoasi 23 yoshli darvozabonini 15 million evroga baholamoqda. Avvalroq, «Ayaks» ning hozirgi darvozaboni butun mavsum davomida o'z jamoasiga yordam bera olmasligi ma'lum bo'ldi.