"Latsio" to'purari "Inter"ga qarshi o'ynashi mumkin

"Latsio" hujumchisi Chiro Immobile jarohatini davoladi va mashg'ulotlarga qaytdi. U A Seriyaning 8-turidan o'rin olgan "Inter"ga qarshi o'yinda ishtirok etishi mumkin bo'ladi, deya xabar beradi "CalcioMercato" nashri.

Ma'lumot uchun, hujumchi Evropa Ligasining "Lokomotiv"ga qarshi o'yinida jarohat olgan edi.

31 yoshli italiyalik futbolchi sonidan olgan jarohati tufayli terma jamoaning oktyabr oyidagi o'yinlarini o'tkazib yubordi.

Italiya A Seriyasining joriy mavsumida Immobile 6 uchrashuvda maydonga tushib, 6ta gol urdi va 2 golli uzatmani amalga oshirdi.

Manba: Sport-Express.ru