«Barselona» Fati bilan shartnomani uzaytirishga yaqin

«Barselona» hujumchisi Ansu Fati klub bilan shartnomasini uzaytirishi mumkin.

Fotining agenti «Barselona» bilan yangi shartnoma borasida muzokara olib boradi. Marca.com xabariga ko'ra, 18 yoshli futbolchining agenti Xorxe Mendesh «ko'k-anorranglilar» rahbariyati bilan muzokara o'tkazish uchun Kataloniya poytaxtiga kelgan.

Tomonlar bitimning to'liq amalga oshishiga ishonmoqda. «Barselona» prezidenti Joan Laporta yaqin vaqt ichida hujumchi bilan yangi shartnoma imzolash niyatida.

Bu mavsum La Ligada Fati «Barselona» safida ikkita o'yinda qatnashdi va bitta gol urdi.